मित्रांनो, माणसाचा अनेक प्रकारच्या सवयी असतात. परंतु काही सवयी या चांगल्या असतात तर काही सवयी या वाईट असतात. म्हणूनच आपल्या चांगल्या सवयी ओळखून त्या आत्मसात करणे खूप गरजेचे आहे. ज्यामुळे आपण आपल्या आयुष्यामध्ये काहीतरी साध्य करू शकतो. यासाठीच आज आपण आयुष्यामध्ये कोणत्या सवयी आपल्याला सोडायला हव्यात? म्हणजेच कोणत्या सवयी वाईट आहेत? याबद्दलची माहिती जाणून घेणार आहोत.
1) कधीच कोणाला जामीन राहू नका. पोलिस स्टशन ची पायरी आपल्याला चढायला लागू नये याची काळजी घ्या. आणि आपले आजूबाजूचे लोक हे नेहमी सज्जन आणि सदवर्तन करणारे असावेत याची काळजी घ्या.
2) उधार दिलेले पैसे मागण्यास लाज बाळगू नका. तुम्ही पैसे उधार देऊन ते मागण्यास तुम्हाला संकोच वाटला तर तुमचे पैसे बुडाले म्हणून समजा.
3) तुमच्या पगाराचा आकडा कधीच कोणाला सांगू नका. तुमच्या पगाराच्या आकड्या वरून लोक तुमची किंमत ठरवतात. तुम्हाला मानसन्मान किती द्यायचा आहे ठरवतात.
4) नीट पारख केल्याशिवाय कोणालाही जवळ करू नका. आपला कोणावर ठेवलेला आंधळा विश्वास हा आपल्याला अडचणीत आणू शकतो आपल्या आयुष्यात येणारी लोक ही नेहमी पारखून घ्या.
5) घरातल्या खाजगी गोष्टी कधीही कोणाला सांगू नका लोक पाठीमागे मस्करी करतात. आणि कधीकधी गैरफायदा देखील घेतात.
6) तुमच्याकडे असणारे स्किल्स कौशल्य ज्ञान हे कधीही फुकट वाटू नका त्याचा योग्य तो मोबदला घ्या.. आजकाल फुकट मिळालेल्या गोष्टींची किंमत ही कोणालाच नसते.
7) सोडून गेलेल्या व्यक्तीसाठी जास्त काळ शोक करत बसू नका तुमच्या जवळ जे आहेत त्यांची काळजी घ्या.. तुमच्या शोक करण्याने तुमच्या आयुष्यातून निघून गेलेली व्यक्ती ही परत येत नाही. म्हणून आपल्याजवळ जे आहे ते जपायला शिका.
8) तुमच्या भावनांना योग्य वेळी वाट मोकळी करून द्या नाहीतर भावनांचा विस्फोट होतो किंवा मग मनामध्ये भावना साठवून ठेवल्याने तुमची मानसिक स्थिती बिघडू शकते आणि तुम्हाला अधिक अडचणींचा सामना करावा लागू शकतो.
9) देवावर विश्वास ठेवा अथवा ठेवू नका पण माणुसकी कधीही सोडू नका.. आपण जपलेली माणुसकी यातच आपलं देव देव करणं आलं. माणुसकीने वागलात तर कुठल्याही देवाला जाण्याची गरज नाही.
10) सोशल मीडिया टीव्हीवरील मालिका चित्रपट. यामध्ये दाखवलेल्या सगळ्या गोष्टी खऱ्या नसतात, वास्तवातल्या नसतात. त्या आभासी असतात. हे कायम लक्षात ठेवा त्यांच्या आहारी जाऊ नका.
11) सतत तक्रार करणे रडणे बंद करा. ते कोणालाही आवडत नाही. तुमच्या अशा करण्याने तुम्ही स्वतः नकारात्मक आहात हे दिसतं आणि तुमच्या आजूबाजूचं वातावरण देखील तुम्ही नकारात्मक करता.
12) मूर्ख लोकांच्या नादी लागू नका आणि आपला वेळ वाया घालू नका. मूर्ख लोकांचा मालक होण्यापेक्षा शहाण्या लोकांचा नोकर होण कधीही चांगले..
13) कोणत्याही गोष्टीचा अतिरेक करू नका. ‘अति सर्वत्र वर्ज्ययेत !’ मग ते कुठल्याही बाबतीत असो. आपलं खान पिन असो, आपली वागणूक असो, आपल्या समाजातील वर्तन असो.
14) कोणावरही लगेच विश्वास ठेऊ नका विश्वासघात होऊ शकतो. कलियुग आहे इथे कोणी स्वार्थ शिवाय तुमच्याजवळ येणार नाही.
15) विनाकारण स्तुती करणारे जवळीक सांगणारे यांचे सुप्त हेतू ओळखा. ते वेळेत ओळखले नाही तर तुमचं नुकसान होऊ शकतो.
16) तारुण्य परतून येत नाही तारुण्यात बेछूट वर्तन करू नका. सगळ्या गोष्टींचा आनंद घ्या परंतु आपण कुठल्याही चुकीच्या कामात किंवा अडचणीत सापडून आपलं आयुष्य बरबाद करू नका.
17) तुमच्या आणि तुमच्या जोडीदाराच्या आयुष्यात येणारी माणसं नीट पारखा. पारखन्यात चूक झाली तर आयुष्य बरबाद झालेच म्हणून समजा.
18) स्वतःच्या कम्फर्ट झोन मधून बाहेर पडा काहीतरी नवीन शिकण्याचा प्रयत्न करा. रिस्क घेऊन काम करा रिस्क घेतल्याशिवाय तुम्हाला यश मिळणार नाही.
19) आळसामुळे आपले व्यक्तिमत्व, कर्तुत्व आणि बुद्धी नेहमीच मागे राहते. आळस झटकून कामाला लागा तर आयुष्यात पुढे जाल.
20) तुमच्या मनात न्यूनगंड बाळगू नका स्वतःला कमी लेखण्याने स्वतःचा आत्मविश्वास कमी होतो. आणि आत्मविश्वास कमी झाला तर तुम्ही समाजात आणि चार लोकांमध्ये वावरू शकत नाही.
21) व्यसन माणसाची शारीरिक मानसिक आर्थिक आणि सामाजिक हानी करते. आणि ती कधीही भरून न निघणारी असते.
22) सतत चिंता आणि काळजी करू नका आयुष्य खूप सुंदर आहे ते आनंदाने जगा. सततची चिंता आणि काळजी करून तुम्ही आजारपण मागे लावून घेतात विशेषतः स्त्रियांमध्ये टेन्शन आणि चिंता यामुळे आजार वाढतात.
23) नेहमी कुणाच्यातरी धाकात राहणे सांगकाम्या सारखे कामे करणे सोडून द्या. स्वतःची वेगळी ओळख निर्माण करा.
24) स्वतःला गरजेपेक्षा जास्त महत्त्व दिल्याने अहंकार निर्माण होतो आणि अहंकाराने दुर्गती सुरू होते.
25) रागात उचललेले पाऊल हे नेहमीच चुकीच्या दिशेने घेऊन जाते. म्हणून नेहमी आपले डोके शांत ठेवा आणि मन स्थिर असू द्या.
26) आर्थिक रित्या साक्षर बना नाहीतर कितीही पैसा आला तरी त्याची बचत आणि गुंतवणूक न होता परिस्थिती आहे तशीच राहते.
27) काम, क्रोध, लोभ, मद, मत्सर, मोह हे माणसाचे शत्रू आहेत. यापासून स्वतः ला कसं वाचवता येईल ते बघा.
28) पॉर्न व्हिडिओ पाहू नका पाहत असाल तर ते पाहणे बंद करा.. सतत पॉर्न व्हिडिओ पाहण्याने तुमची मानसिकता बिघडू शकते आणि तुमचे वर्तन चुकीचे होऊ शकते.
29) विवाहबाह्य संबंध ठेऊ नका. आणि नको त्या आजारांना ओढून घेऊ नका. आणि महत्त्वाचं म्हणजे आपलं सांसारिक आयुष्य उधळून लावू नका.
30) वाफळ खर्च करून नका, नको असलेल्या गोष्टी खरेदी करून पैसा वाया घालू नका..
31) वाईट सवयींचं सगळ्यात मोठं कारण म्हणजे आपली वाईट संगत म्हणून आपली संगती नेहमी चांगली ठेवा आपल्या आजूबाजूला चांगले लोक असू द्या.
अशा प्रकारे ही काही आयुष्याची माती करणाऱ्या सवयी आहेत ज्या आपल्याला सोडायला हवा.
